Vetëm pak orë ka zgjatur arratia e njërit prej autorëve të vrasjes së 20-vjeçarit A.T., në rrugën “4 Dëshmorët”, pranë shkollës “Partizani” në Tiranë.
Mësohet se policia ka mundur të arrestojë 18-vjeçarin E.M., ndërkohë që është ende në kërkim bashkëmoshatari i tij.
Stiven Toshkëzi u qëllua disa herë me thikë pas mesnatës dhe si pasojë e plagëve të marra ndërroi jetë në spital. Motivet e këtij krimi janë ende të paqarta.
Njoftimi i policisë:
Dy 18-vjeçarë kanë vrarë një 20-vjeçar mëngjesin e së martës me thikë në Tiranë.
Ngjarja ka ndodhur në rrugën “4 Dëshmorët”, në afërsi të gjimnazit “Partizani”, rreth orës 00:35 kur shtetasit E. M., 18 vjeç, dhe A. H., 18 vjeç kanë plagosur me thikë shtetasin A. T., 20 vjeç pas një konflikti për motive banale.
Ky i fundit ka ndërruar jetë në spital nga plagët e marra.
Grupi hetimor po punon për kapjen e autorëve dhe sqarimin e plotë të rrethanave të ngjarjes.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite